RM 100 ... TERIMA KASIH...


TONGAH hari tadi, macam biaso den poe amik anak den kat sekolah tu ha.
Hari ni Selaso, dio balik pukoi satu stongah.

Dari pokan Kajang lopeh bayag duit keto kek bank ongleong, maso ado laiee.
Jadi den singgoh kodai mamak kek rumah tu ha.

Pekena citapi eh capati cicoh gulai kambin.
Humang aii. Cito tak guno.

Nak lepak lamo, boring pulok mnengok muko mamak dongan staf dio yang bukan Malaya face.

Start moto poe sekolah polan-polan.
Lalu dopan skolah maso belum time, jadi den pusin-pusin Taman Kantan Permai lobih kurang.

Dalam pada tu, ado den perasan banyak kaum bapak mengantor anak yang den perasan
sebelum ni tak pernoh napok muko depa pun.

Ado yang bortali leher segalo.
Ado yang berengke satu keluargo.

Yang menakjubkan sokali, den porasan jiran den yang boleh kato tak pornah amek
anok dio, hari ni napok muko.
Borsori-sori muko dio...

Cheh...cheh..

Baru den perasan.
Hari ni pihak sekolah mulo mengagih-agihkan bantuan khas seratus ringgit untuk
perbelanjaan sekolah tahun dopan.

Hmmm. No wonder ramai dan meriah semacam.

Ye anok rama dapek lobih sikit.
Hak anok sore mace kawe, dapek lo seratus.
Jadilah. Lopeh duit minyak keto den berulang alik ko tompek kojo setongah bulan.

Woy!woy!... itu untuk belanja sekolah la.
Ok...ok... Just kidding.

Terimo kasih lo bebanyak pado ye memberi.
Terimo kasih daun koladi.

Lukis direct je nih.... malas punya fasal.